Coldplay最後一張專輯後一張新EP
當位位樂迷都仲為緊本年7月20日去世既Linkin park主音Chester Bennington覺得可惜既時候，大家係時候要走出暗影啦，呢個世界仲有好多值得大繼續留意既band！
好喇，講完幾句廢話喇，講返主題，今次為咁多位讀者介紹嘅係Coldplay既新Ep （Kaleidoscope），無錯佢地雖然講過係2015年推出嘅專輯 （A Head Full Of Dreams）可能係Coldplay嘅最後一張專輯，但係無話唔出EP喎………而加仲做緊世界巡回既Coldplay係泥緊仲會出埋Live大碟添！
今次既EP當中有5隻歌，當中有隻歌我相信大家都一定有聽過，就係Something just like this啦，呢次係EP既版本係黎自世界巡回既 Tokyo Remix，響呢首歌入面最值得留意除左Coldplay嘅演出外，更加值得留意既係現場睇緊show人士嘅反應，全場high 爆！（老實唔會係香港聽到咁嘅反應）
響Youtube度有片睇 <3
Ep分左三個版本，有實體板既CD同黑膠（LP ），另外就係數位板啦，如果你係鐵粉的話一定要買晒三樣啦，三樣加埋都洗二百蚊，其實最簡單直接既做法係買LP版，因為佢可以一次滿足到三個願望，首批LP仲會用藍膠製成，LP仲會包埋數位版下載碼，方便返買左LP但係又無黑膠機既樂迷，仲有隨碟附送今次Ep既宣傳poster添，真係薯仔價錢但係買到燒鵝味道呀！今次就講住咁多先，呢隻碟係各大小唱片鋪有售，你地自己去搵啦。XD
圖中係今次既藍膠片，靚到核爆，Fans 真係要買黎收藏
