香港灣仔猛鬼地方(南固臺)
南固臺係位於灣仔捷船街同堅尼地道之間近船街55 號，已經被列為香港一級歷史建築。(薯仙B認為拆唔到，所以先列佢入一級建築)
喺1918年既時候，由一位有錢佬叫杜仲文既人所建，之後再轉讓俾佢弟弟(杜澤文)住，去到1945年弟弟過生，就俾日本軍隊佔領，當時日軍喺船街設立大量(慰安所)，而因為南固臺設計優雅，俾用作VIP專用。
戰爭結束後，日軍離開，但因為空置多時，所以有唔少鬧鬼既傳聞。1970 年代，「合和實業」有意發展灣仔既南部，收購咗「南固臺」一帶既地段，建 Mega Tower Hotel，但居然保留大宅，希望融入發展。但種種原因 Mega Tower Hotel 既興建一直未能落實，所以大宅一直空置。
但由我薯仙B黎講又點會淨係講歷史丫。
其實南固臺又名紅牆鬼屋，當時因為日軍佔領後大量殺人，又捉好多女人黎做慰安婦，所以好多怨魂一直都唔肯離開哩度，所以經常都會鬧鬼，因為哩度都相當出名，所以有唔少喜歡靈探既人去探險，但每個去完靈探既人都唔會想再去多次，唔係因為見唔到鬼，而係因為真係會見到鬼。
最轟動既事件係發生於 2003 年 11 月 29 日，有8個唔識死既男女，因為好奇而勇闖鬼屋，之後其中三個女仔因為受驚過度，聲稱被鬼招魂(即係鬼上身)，撞邪之後同其他朋友發生衝突大叫，之後有人報警求助，但鬼上身既人，因為失去理智發狂，而且變得力大無窮，需要十幾個差佬合力先可以制服，哩件事更被當時傳媒大肆報導，更有傳言當時負責制服撞鬼少女既警員話，睇到少女既眼係綠色既，非常恐佈；令到「南固臺」更加詭異。
之後同樣喺2012年又有5個男仔走去挑機，結果.........睇片啦.....
蘋果動新聞報導
恐怖在線
森美 架勢堂
