薯仙B之十大薯B打機零食推介
各位薯粉打機一打通常都打到廢枕忘餐，連起身落街食個野都覺得浪費時間，咁好啦介紹下個人認為打機既時候一d口痕頂肚零食啦。
排名不分先後
1. 魚肉腸
魚肉唔好睇小佢，雖然細細條，但話哂都係肉，味道又唔差，仲要有幾種味，食哂一pack, 包你會頂得住個肚餓先。
2. 香蕉
哩樣唔駛多解釋啦，又有營養，又平，又飽肚，不過要小心就係，食得多會急屎囉，哈
3. 熊仔軟糖
軟糖的好處係，無糖粉喺面，唔會食到隻手痴住哂，而且細細粒，容易食，又有咬口。
4. 即沖既杯杯湯
天氣凍既時候啱哂，沖一杯湯，一路打機一路飲，又可以暖手，包你唔會因為天氣凍，d手指凍僵曬。
5. 豬肉乾，牛肉乾
薯仙B建議薯粉如果買豬肉乾同牛肉乾就要去買下優之良品果d,因為佢細細包，又有多種口味，梗係一種啱你。
6. 魷魚絲
魷魚絲都係一樣細細包細細條容易入口容易食，而且如果去開泰國旅行，BigC 會有d好大包既版本，包你打幾個鐘機都未食哂。
7. 戒指糖
哩個可能後生d既薯粉未必知，哩隻糖可以帶喺手指得閒啜幾下，又唔會阻你打機，口痕食一流，而且大大粒，有排食。
8. 杯麵
仲有點少得必食推介，杯麵。
3分鐘食得，又好味，又暖胃，又多口味，個人認為宵夜一流，當然拍肥就唔好食喇。
9. 珍寶珠
珍寶珠又係痕神器，價錢平就不再話下，一路食又會阻住打機，唯一阻住既就可能係你打機要講野既時候囉。
10. 旺旺仙貝
正所謂 天天吃旺旺，運氣會旺哦
旺旺仙本好處係獨立包裝，而且香口，不過都會有唔好處既，就係每次都要搣同會有餅碎，不過都係值得推介既。
嘩，講講下，講咗成10樣咁多。薯粉如果有其他好既零食，記得介紹下俾我，我都想知仲有咩野正野係我未發現到，不過最好唔好太貴既零食啦，哈，小編窮呀。
